BBC News online pranuan që të heqin paragrafin e fundit pas publikim të artikullit tonë që nxiti shumë ankesa zyrtare ndaj këtij agjencioni lajmesh.

Në një artikull të shkruar në BBC News Online me datën 11 maj 2009, në të cilin u tha se banorët e Kosovës nuk kanë paguar rrymë deri në prag pavarësisë, u shkrua edhe rreth kacafytjes së banorëve të disa fshatrave serbe dhe policisë së Kosovë ku u tha se 20 njerëz u plagosën, pa e përmendur faktin se shumica e të plagosurve në fakt ishin policët e Kosovës. Edhe kjo u korrektua pas ankesave të shumta.

Sikurse kjo të mos mjaftonte komentatori i BBC-së gjatë natës së shfaqjes së këngëve të Evrovizionit me 17 maj, ofendoi prapë shqiptarët.

“Emigrantët shqiptarë në Angli, nëpërmjet telefonatave dhe postës elektronike kanë nisur t’i shprehin ankesat e tyre stacionit televiziv BBC-i, pasi komentatori britanik në Evrovizion Graham Norton, pak përpara hyrjes në skenë të Kejsi Tolës tha se “Ja tani një lajm i keq. Është radha e Shqipërisë për të interpretuar” raporton nga Londra gazetari Muhamed Veliu.

Kjo shtyri që shumë njerëz nëpërmjet email listave dhe Facebook-ut të bëjnë një kampanjë të organizimit të ankesave kundër këtij ofendimi të ri.

Lidhëza:
http://news.bbc.co.uk/1/hi/world/europe/8044036.stm
http://www.ukalbanians.net/lajme/bbc-perhape-informata-te-pasakta-ne-lidhje-me-kosoven

Dy shqiptarë të Amerikës, Victor Gojcaj dhe Robert Vataj, aktrojnë në aksion filmin më të ri të regjisorit Tony Scott, “The Taking of Pelham 1 2 3″, të cilët krah për krah me John Travoltën marrin peng një tren në New York. Futja e karaktereve shqiptare në filmat amerikan, por edhe në video lojërat më të reja, tregon për një trend të ri që ndoshta është fryrë pak nga mediat në lidhje me kriminelët shqiptarë. Kriminelët shqiptarë paraqiten si të paparashikueshëm, mizorë, të pamëshirshëm dhe njëkohësisht ekzotik, sidomos kur edhe gjuha shqipe futet ne skenar, siç ishte rasti në filmin “Taken”.

Interesante është se si Tony Scott përzgjodhi Victor Gojcajn të jetë aktor në këtë film duke marrë parasysh se ai nuk është aktor profesional si dhe ka një histori krimineli në New York. Gojcaj i cili është i gjatë 1.93m u lind në Detroit të SHBA-ve në vitin 1983 dhe dy vjet më vonë familja e tij kaluan në Bronx të New York-ut. Ai pati një fëmijëri të parehatshme duke u përfshi në rrahje të shumta në shkolla të ndryshme deri sa u përjashtua përfundimisht nga ato. Me qëllim që ta disiplinojnë prindit e tij e regjistruan atë në artet luftarake Tae Kwon Do dhe Judo. Ai punoj në punë të ndryshme të hotelerisë deri në moshën 19 vjeçe kur edhe u mërzit nga kjo dhe e formoj bandën shqiptare të quajtur “djelmoshat e mençur”. Ata u angazhuan në aktivitet të shumta kriminale dhe Victor-i prej gjashtë viteve në vijim dy vite i kaloj nëpër burgje të ndryshme.

Victor Gojcaj u zbulua nga Tony Scott me ndihmën e agjent-policit Don Ferrarone, deri sa ai po kërkonte nëpër rrugët e New York-ut kriminelë apo ish-kriminelë që të përgatisnin dhe trajnonin aktorët për këtë film. Pas një kërkimi të mundimshëm nëpër databazën e fotove të kriminelëve, Ferrarone i propozoi Scott-it Victor-in. Scott-i u befasua se si një moshë aq të re (25 vjeçe), Victor-i shpejtë ishte ngritur në hierarkinë e krimit, dhe kjo e intrigoi atë aq shumë sa që ia ofroi rolin e karakterit Bashkimi (”Mr. Grey”) njëri nga kidnapuesit më agresiv në këtë film, duke kërkuar që ai të hiqte dorë nga çdo aspekt i jetës së tij prej krimineli. Producentët nuk ishin të kënaqur me këtë përzgjedhje dhe ata propozonin që këtë rol ta luante ndonjë aktor i vërtetë. Pas shumë muajve që t’i bindte, ata pranuan që Victor-i të bëhej njeri i tij. Victor-i e përfundoj filmin me një prezencë të madhe karshi John Travolta-s.

Lidhëza:
http://www.esquire.com/features/movies/taking-of-pelham-1-2-3-0609-2

http://www.reelzchannel.com/movie-news/3318/beyond-good-and-evil-in-the-taking-of-pelham-123

http://www.imdb.com/name/nm2963873/bio

http://www.imdb.com/title/tt1111422/

Në një artikull të shkruar në BBC News Online me datën 11 maj 2009, u shkrua rreth kacafytjes së banorëve të disa fshatrave serbe dhe policisë së Kosovë ku thuhet se 20 njerëz u plagosën, pa e përmendur faktin se shumica e të plagosurve në fakt janë policët e Kosovës.

Serbët e disa fshatrave të Kamenicës tentuan të bllokojnë rrugët që të protestojnë kundër kërkesës legjitime të KEK-ut që të paguajnë rrymën, të cilën gjë nuk e kanë bërë asnjëherë që nga çlirimi i Kosovës nga okupimi i fundit serb.

Një e pavërtetë tjetër në këtë artikull është se kinse qytetarët e Kosovës nuk kanë paguar rrymë deri në shpalljen e pavarësisë së Kosovës.

Edhe pse një numër i konsumatorëve nuk paguajnë rrymë, më së shpeshti për shkak të varfërisë ekstreme, kjo nuk do të thotë se të gjithë qytetarët (përfshi shqiptarët) nuk e kanë bërë këtë, derisa serbët e Kosovës kolektivisht nuk kanë paguar rrymë aspak që nga viti 1999.

Këto pasaktësi të publikuara nga BBC duhet të sfidohen dhe kjo mund të bëhet me shkrim nëpërmjet http://www.bbc.co.uk/complaints. Klikoni në “Email:
Send your complaint” mandej përzgjidhni “make a complaint”, mandej “BBC online” dhe shkruani ankesën tuaj, natyrisht nëse pajtoheni se ky artikull i BBC-së ka pasaktësi.

Lidhëza:
http://news.bbc.co.uk/1/hi/world/europe/8044036.stm
http://www.dw-world.de/dw/article/0,,4243738,00.html
http://www.evropaelire.org/content/Article/1003796.html
http://www.kosova-sot.info/?p=6274

Dje juria e gjyqit Jaksonville të Floridës në Amerikë rekomandoi që vrasësi, Kevin Jerome Scott, të dënohet me vdekje pasi që u gjet fajtor për vrasjen e ish-policit shqiptar, Kristo Binjakut në dyqanin e tij në Southside të Floridës gjatë një plaçkitje para dy vitesh.

Juria votoi 9-3 ne favor të dënimit kapital për vrasësin Scott pas një dëshmie që zgjati tre orë. I njëjti panel e dënoi Scott-in javën e kaluar për vrasje të shkallës së parë për vrasjen e Binjakut në korrik të vitit 2007.

Tash fati i këtij vrasësi është në duart e gjyqtarit të Rrethit, Judge Charles Arnold. Ai mund të pranoj rekomandimin e jurisë apo ta dënoj atë me burgim të përjetshëm. Gjykatësit e Floridës zakonisht i përmbahen vendimeve të jurisë.

Vendimi final do të bëhet me 11 qershor, derisa të merren edhe disa fakte në konsiderim. Gruaja e të ndjerit Binjaku përkuli kokën kur u shpall vendimi i jurisë.

Scott kishte goditur Binakun në fytyrë me revole deri sa po mundohej të plaçkiste lavazhin e teshave të të ndjerit në Toledo Road dhe Powers Avenue.

Në gjykim mori pjesë edhe vajza e të ndjerit Binjaku, Malvina Binjaku, e cila është studente në Universitetin e Floridës. Ajo tha: “Babai im kishte një ëndërr vetëmohuese. Ai dëshironte që gruaja dhe fëmijët e tij të jetojnë një jetë të lumtur dhe të suksesshme. Kështu që ai emigroi në Amerikë ku ajo ëndërr mund të arrihej. Ai punoi shumë dhe krijoj një themel të fortë…por ne nuk e kemi shansin që të shohim që ajo ëndërr të realizohet sepse ai nuk është këtu për ne.”

Burimi:
http://www.jacksonville.com/news/metro/crime/2009-05-05/story/jury_recommends_death_for_jacksonville_laundry_owner%E2%80%99s_killer

Nuk është lehtë të jesh nuse shqiptare. Ato gjykohen nga pamja, sjellja, prejardhja dhe natyrisht në aftësinë për të bërë kafe. Të dielën që shkoi, gjashtë nuse shqiptare u testuan gjatë festimit të Ditës së Nënës në Qendrën Kulturore shqiptaro-amerikane në Columbia Boulevard të Waterbury të SHBA-ve. Organizuesit krijuan një lojë në bërjen e kafesë duke nxitur gjashtë nuse se cila do të bëjë kafe më shpejtë për vjehrrat e tyre.

Secila u pajis me një zjarr të vogël gazi, filxhan dhe xhezve. Ato u desh të kishin kujdes që të mos derdhnin kafenë gjatë vlimit sepse ashtu humbet “kajmaku” dhe kafeja dështon.

Ky ishte një presion edhe për vjehrrat gjithashtu. Ato dëshironin kafe të mirë por çka është më e rëndësishmja, edhe lëvdata. E tëra qëndron në atë që të kesh një nuse e cila e bënë kafenë më të mirë, është më e shpejta dhe më e hijshmja.

Jetlira Zhaku nga New Jersey, e cila do të martohet në familjen Alimi të Danbury-t në tetor, ishte fituesja. Ajo është e fejuar dhe si të martohet bëhet do të bëhet nuse.

Burimi:
http://www.rep-am.com/News/412913.txt

Sipas mirror.co.uk Liverpool-i shpreson që të blej yllin e Marseille-s Lorik Canën, dhe vetëm nëse jeni Rafa Benitez (dhe nuk jeni shqiptar) ju ndoshta kurrë nuk keni dëgjuar për të. Ne përkthyem këtë artikull me ca përmirësime.

1. Lorik Cana u lind me 27 korrik 1983 në Prishtinë, dhe emigroi me familje në Zvicër në vitin 1992.
2. Babai i tij Agim Cana, ishte gjithashtu futbollist i njohur i viteve 1980-ta kur Prishtina ishte në kulminacion të suksesit në futboll.
3. Pasi që ai me familje emigruan në Zvicër, Cana filloi stërvitjet në FC Lausanne Sport. Ai qysh herët tregoi talent dhe raportohet se qenka vërejtur nga Arsene Wenger në moshën 16 vjeçe, dhe ishte vetëm çështja e vizës që e ndaloi transferin e tij në Arsenal.
4. Në vitin 2000 filloi të luaj për PSG, duke kaluar në ekipin e parë në vitin 2003.
5. Arritja e menaxherit të ri në PSG në vitin 2005 bëri që Cana të mos ishte më favorit, dhe ai kaloi në Marseille për një shumë parash që nuk dihet, duke u bërë kapedan i Olympique në vitin 2007 pasi që Habib Beye kaloi në Newcastle.
6. Ai ka shtetësi shqiptare, frënge dhe zvicerane. Por ai përfaqëson kombëtaren e Shqipërisë, dhe për herë të parë luajti për kombëtaren kur ishte 19 vjeç kundër Zvicrës, dhe tash ai është kapedan.
7. Si një mesfushor mbrojtës u fol si një zëvendësim i Mathiey Flamini në Arsenal verën e kaluar dhe gjithashtu u lidh me kalimin në Everton.
8. Ai ka aftësi kulminante kur është në pyetje sulmi sikurse që ky gol tregon.
9. Gjithashtu impresionoj gjatë lojës kundër Liverpool-it në Ligën e Kampionëve gjatë kësaj sezone, duke shënuar gol në humbjen e Marseille’s (1-2) në shtator të vitit të kaluar.
10. Ai momentalisht ka më shumë se 43,000 tifozë në Facebook.

Fotina Lefta originally from Albania, was one of 60 students in the USA to receive the 2009 award from the national honour society.

“Each year, Phi Kappa Phi awards 60 fellowships of $5,000 each and 40 Awards of Excellence of $2,000 each to members entering the first year of graduate or professional study. Each Phi Kappa Phi chapter may select one candidate from among its local applicants to compete for the Society-wide awards. Lefta also received a $500 scholarship from the EKU chapter.”

“I, the Phi Kappa Phi Board of Directors, and the EKU chapter congratulate Tina on her exceptional academic record and outstanding service to others,” said Dr. Robert B. Rogow, national Society President of the Honor Society of Phi Kappa Phi and dean of EKU’s College of Business and Technology. “I am very proud that she has received this prestigious fellowship from Phi Kappa Phi and wishes her much success next year as she begins her graduate studies.”

Source:
http://www.prm.eku.edu

Sipas në artikulli të botuar në alertnet.org sasia e parave të dërguara në Kosovë nga emigrantët po bie me keqësimin e ekonomive evropiane, gjë kjo që familjeve kosovare ua bën jetën edhe më të zorshme, por edhe gjë që potencon problemin e varësisë nga paratë e emigrantëve.

Që nga fillimi i viteve të 1990-ta, kur me mijëra shqiptarë u pushuan nga puna nga ligjet diskriminuese serbe dhe kur si rezultat me mijëra emigruan në Zvicër dhe Gjermani, Kosova gjithmonë është mbështetur në paratë e emigrantëve.

Sipas një studimi të vitit 2006, paratë e emigrantëve përbëjnë 14% të të ardhurave totale të familjeve kosovare.

“Nëse në Kosovën e pas luftës ka ndonjë besim universal atëherë është ajo se ekonomia mbahet nga paratë e Diasporës. Bërsit e politikave kanë qenë të kënaqur me kuptimin komfor se paratë nga diaspora dorëshlirë e shqiptarëve të Kosovës mund të mbajnë zonat rurale gjallë, edhe pse mungonte çfarëdo zhvillimi i besuar agrokultural apo rural. ”

Një shitës,Gëzim Gara, ka vërejtur rënie në shitje në dyqanin e tij. Ai është në kontakt me njerëz të komunitetit të tij dhe ka kuptuar se rënia e shitjes është e lidhur ngushtë me rënien e parave të dërguara, të cilat kanë rënë deri në 50%.

Kosova është një nga shtetet në rrezik të lartë që të vuaj nga destabilizimet serioze sociale dhe politike sepse ekonomia e saj jo vetëm që varet shumë nga paratë e dërguara, por nuk mund të absorboj influksin e emigrantëve të cilët kthehen atje.

Burimi:
http://www.alertnet.org/thenews/fromthefield/wvmeero/996b117919c7fe408c28c8d98fcd95f7.htm

Dje, artisti shqiptar nga Kosova i cili jeton në New York, Sislej Xhafa, organizoi një performansë në Oxford të Anglisë duke paguar njerëz të papunë që të shtyjnë një autobus. Autobusi i mbuluar me shkëlqim pasqyroje u shty nga të papunët në Cornmarket Street të këtij qyteti.

Sislej Xhafës i është dhënë leja që të sjellë automjetin në këtë rrugë të ngarkuar për perfomansën rreth “kompleksiteteve të turizmit” të quajtur autobusi elegant i sëmurë.

Galeria Modern Art Oxofrd pagoi shtyesit e autobusit nga £15 për pjesëmarrjen e tyre që zgjati një orë.

Autobusi reflektiv që së pari u paraqit në Stamboll në vitin 2001, ishte caktuar të shtyhej nëpër Cornmarket Street, me motor të çkyqur, deri në Oxford Castle në New Street, ku do të qëndroj i ekspozuar deri me 21 qershor 2009.

Xhafa i cili është 38 vjeç ka ekspozuar shpesh në Evropë, Azi dhe Amerikë, dhe specializon në skulpturë, pikturë dhe performansë.

Ai tha “Vepra ime, autobusi elegant i sëmurë, vë në pyetje kompleksitetet e turizmit dhe fenomenit ekonomik të tij.

“E shoh autobusin si një mjet të turizmit që reflekton ambientin.”

Suzanne Cotler, kuratore e ekspozitës “Transmission Interrupted”, tha: “Sislej Xhafa është një artist bashkëkohor i vlerësuar për veprat e tija me imagjinatë të lartë në arenën publike.

Ekspozita në Pembroke Street Gallery, do të qëndroj e hapur deri me 21 qershor.

Burimi:
http://www.oxfordmail.co.uk/news/4256586.On_the_dole__Then_you_can_push_my_bus/

Lidhëza:
http://www.modernartoxford.org.uk/Exhibitions/

http://www.guardian.co.uk/artanddesign/2009/apr/17/exhibitionist-art-shows-this-week

Dhjetë vite që kur avionët e NATO-s shkuan në aksion kundër Serbisë, lufta e Kosovës mbetet ende kontroverse. E mirëpritur nga shumë në atë kohë si një evidencë e një rendi humanitar botëror në formim, trashëgimia e saj është anashkaluar, mundur dhe krejtësisht shtrembëruar nga debati i luftës kundër terrorit. Çka Vaclav Havel e quajti “lufta e parë për vlera” tash më shumë po përshkruhet si një precedent i rrezikshëm. Bile edhe Clare Short, përkrahëse e flakët e intervenimin në Ballkan, gabimeve të Tony Blair-it në politikat e jashtme i vuri zanafillën në “shijen e piedestalit” që ai e kishte marrë në Kosovë.

Ka disa arsye për këtë, më e rëndësishmja padyshim është lufta në Irak që mbjelli dyshimet në legjitimitetin dhe efikasitetin e fuqisë ushtarake perëndimore. Duke u larguar nga principi i mos-intervenimit dhe pa mandat të KB-së, Kosova shpesh trajtohet si mëkati origjinal që bëri Irakun të mundshëm. Edhe invazioni i Rusisë dhe njohja e Abkhazisë dhe Osetisë Jugore janë karakterizuar si një nxitje nga deklarimi i pavarësisë së Kosovës disa muaj më parë.

Krahasimet e këtij lloji më shumë konfuzojnë se sa sqarojnë. Lufta në Kosovë ishte përgjigje ndaj një emergjence humanitare, e jo një lojë fuqie gjeopolitike. Dhe kjo edhe tash kontestohet. Anti-imperialistët e vetëquajtur, që shpesh përkrahin imperializmin e çfarëdo regjimi që i kundërshtohet perëndimit, kanë konstruktuar një histori alternative në të cilën krimet e Slobodan Milosevic-it janë minimizuar apo arsyetuar dhe perëndimi “grykës” portretohet si nxitës i dhunës. Në këtë histori, tentimet e tija (të Milosevic-it) që të arrij zgjidhje të negociushme ishin sabotuar në konferencën e paqes në Rambuje nga Evropa dhe SHBA-të; dhe vdekjet dhe lëvizjet e refugjatëve brenda Kosovës ishin shkaktuar nga bombardimet e NATO-s.

Këta kritikë flasin thuaj se shkatërrimi i Bosnjës ishte një pjellë e imagjinatës. Realiteti është se deri sa erdhi tek Rambujeja, liderët perëndimorë kishin mbledhë mend nga loja tinëzake e Milosevic-it në të cilën ai negocionte paqe të rreme derisa vazhdonte të zbatonte terrorin etnik në terren. Ata kishin duruar tetë vite të tilla. Në Kosovë, forcat serbe kishin vrarë 1,500 veta dhe kishin dëbuar nga shtëpitë e tyre 270,000 veta para se NATO të intervenonte.

Shkroi: David Clark

I tërë artikulli në:
http://www.guardian.co.uk/commentisfree/2009/apr/16/clark-kosovo-war-crimes

Një nga komentet:

 FrankSimoni

It is a shame to read all these comments lying about Kosovo. I am a Kosovo refugee living now in the UK and I totally agree with David Clark’s article, not because I am biased, but because I witnessed the Serb terror and racism first-hand while in Kosovo, during 1980’s and 1990s, which culminated in ethnic cleansing and mini-holocaust.

This Serbian racism is still alive and well, and Nato bombing sadly didn’t change that. Serbs cannot stand Albanians regardless their religion. They killed my catholic cousins in western Kosova just because they wore traditional Albania hats. They raped women and killed children, all this blessed by their mediaeval Orthodox Church.

And what is more worrying, this ongoing racism is tolerated by Europe. I have no doubt that if the Serbs have the chance they will do the same to Kosovo Albanians and Albanians in general, as they did it in 1877-78, 1912-13, 1918-39, 1945-1956, 1981-1999 killing tens of thousands of innocent Albanians.

KLA atrocities compare nothing to that, as Jewish partisans’ revenge attack compare nothing to the Nazi holocaust. Shame on Noam Chomsky, Harold Pinter and other “lefties” who support Serbian Nazism, they hands are covered with blood.