Jo shumë kohë nga publikimi i video-lojës Grand Theft Auto IV ku disa nga karakteret negative janë edhe kriminelët shqiptarë, në këtë muaj do të dalë edhe një video-lojë e re që ka një karakter pozitiv shqiptar.

Është fjala për Far Cry 2 , versionet së cilës pritet të dalin në shitje me 24 tetor.

Karakteri shqiptar quhet, Josip Indromeno, emër jo-karakteristik shqiptar, i cili është shqiptar nga Kosova, është 48 vjeç, dhe luan rolet e Paratruperit, Bodigardës, Guerilës (UÇK-së).

Duket se karakteret shqiptare kanë filluar të xiglojnë fantazinë e krijuesve të personazheve si në filma ashtu edhe në video-lojëra. Ekzotizmi i tyre bën që shpesh të bëhen gabime faktike si p.sh. me emra, e vërteta në lidhje me përfshirjen e shqiptarëve në krim të organizuar dhe përzierja me njerëzit e tjerë të Ballkanit.

Tema e Far Cry 2 sillet rreth dy fraksioneve luftuese dhe një dileri të armëve që quhet Jackal. Jackal-i i furnizon me armë që të dy fraksionet duke ushqyer luftën dhe rritur profitet.

Kjo lojë karakterizohet me një grafikë fantastike dhe përdoruesi i lojës mund të përdorë edhe kokteje Molotovi, ndezje të zjarrit në savanat e Afrikës dhe armë tjera jo-konvencionale.

http://farcry.uk.ubi.com/ ^[1]

http://www.youtube.com/watch?v=rYZKN6jZVwE&feature=user ^[2]

http://www.videogamer.com/ps3/far_cry_2/preview-1290-2.html ^[3]